私隱政策

你登記做會員、報名工作坊或者活動嘅時候，我哋會收集你嘅姓名同聯絡電話；電郵地址係選填。

報名親子活動嘅話，我哋可能會問小朋友嘅年齡同食物敏感資料，用嚟編組同確保安全。

我哋收集你嘅個人資料，係為咗以下用途：

• 開設同管理你嘅會員戶口
• 處理落單、預約、報名同相關安排
• 就你嘅查詢同你聯絡
• 活動當日嘅編組同安全事宜
• 在你同意嘅情況下，發送直接促銷資訊（見第四節）

提供資料屬自願性質。但如果唔提供姓名同聯絡電話， 我哋將無法為你開設會員戶口，亦無法處理落單同報名。

我哋唔會將你嘅個人資料出售或出租畀任何第三方。 資料只會在以下情況轉移：

• 我哋自己嘅落單同會員系統（order.rascalcafe.com），用嚟開戶同處理落單
• 為我哋提供服務嘅代理或服務供應商，並受保密責任約束
• 法律、法規或政府機關要求披露嘅情況

我哋必須得到你嘅同意，才會使用你嘅個人資料作直接促銷。 如你同意，我哋會使用你嘅姓名、電話及電郵， 透過 WhatsApp、電話、短訊或電郵， 向你提供本店餐飲、親子工作坊、包場及活動嘅推廣資訊。

呢項同意完全自願 —— 唔同意一樣可以做會員、一樣可以落單。 你亦可以隨時免費要求我哋停止，我哋收到之後會即時停止， WhatsApp 或者親臨門市講一聲就得。

我哋只會在需要嘅期間保留你嘅資料。你要求刪除之後， 除咗法律要求保留嘅紀錄，我哋會在合理時間內刪除。

我哋會採取合理嘅措施，防止資料被未經授權查閱、處理或遺失。

根據香港《個人資料（私隱）條例》（第 486 章）， 你有權查閱及改正我哋持有嘅你嘅個人資料， 亦有權要求停止使用你嘅資料作直接促銷。

要提出要求，WhatsApp 或者致電 5486 0011， 又或者親臨 元朗 ICAC 後・興業入口 1 樓 A 室 搵我哋，都得。

我哋可能會不時更新呢份聲明。更新之後會在呢一版公布。